Dalja në dritë e vëllimit poetik “Trokëllima e Poetit” të poetit shqiptar me banim në Londër, Xhavit Gasa, nuk është thjesht një trokëllimë jete, por një rendje e afshët në vapëmugëtirat e jetës. Trokëllimat e tij ndjehen tej në vendlindjen e tij të bukur, afër Zenishtit të mrekullueshëm të Matit e qafosen zhurmshëm statujave me mish të ftohtë në parqet dhe hapësirat londineze. Ato janë trokëllima jete, derti dhe malli. Janë në fak vetë vargjet e poetit që sjellin vetë jetën e tij të vapëmugëtirtë, në të shkuarën, të tashmen dhe të ardhmen e saj. Tre kohët e kësaj vapëmugëtire janë një karnavaz i pastër ku peneli i poetit skicon tërë dimensionet, të mirat dhe të këqijat e një jete në udhë të plotë. Janë mbi njëqind poezi që e sjellin poetin Gasa në formën e tij më të plotë. Janë këta poezi që flasin për poetin që rend të kap kohën e tij... Ai është mes krijuesve. Gasa e ka kapur stacionin e ëndërruar dhe sot ai është vetë jetërrjedha e vargut poetik. Është premtimi i tij i hershëm.
Fatmir Terziu
Details
- Publication Date
- Apr 4, 2012
- Language
- Albanian
- ISBN
- 9781471656552
- Category
- Poetry
- Copyright
- All Rights Reserved - Standard Copyright License
- Contributors
- By (author): Xhavit Gasa
Specifications
- Pages
- 144
- Binding
- Perfect Bound
- Interior Color
- Black & White
- Dimensions
- US Trade (6 x 9 in / 152 x 229 mm)