في قُربك موتى!

وقف كلانا ينظر للأخر لعدد غير محسوب من الدقائق. انبعج حاجباه يرفع أحدهما بسخرية، قاطعًا الصمت الثقيل بجلوسه مرة أخرى على الأريكة المحتجز عليها، يقول: — إيه الأخبار بره! الكل بيحتفل بانتصارك. صح! شددت حاجباي بامتعاض، أُجيبه: — لسه برضو دماغك التخين مفكر أن الموضوع مكسب وخسارة! — أومال هو إيه؟! فلسفة غبية من بتوعك.. تعارضي الكبار وتشيلي ذنوب الفقرا.. تنزلي من برجك العالي وتمثلي إنك بتكافحي علشان تثبتي للفلاحين إنك منهم. — بس أنا فعلًا منهم.. جدودي وأهلي وكل عيلتي أتولدوا بالأرض وعاشوا ليها وعمري ما فكرت أمثل أو أتصنع ولا حتى أحاول أغير جلدي زيك علشان أكسب مطامع دنياوية وأكون عبدة لمنصبي ومالي. — مالي هو اللي جاب اللي المنصب وبمنصبي الكل عملي حساب بالبلد والكل بقى بيحلم إنه يبقى زيي. — حتى وأنت محبوس! أردت إغاظته، وأمتثل بسهولة لاستفزازي ضده، يزوم في تحدي لقيده حتى حرّك الأريكة عن مكانها وهو يُزمجر: — وهربيكم كلكم على اللي عملتهوه لما أخرج من هنا. — ما فيش فايدة.. هتفضل طول عمرك شخص أناني وحقود وما بيفكرش غير في مصلحته... تنهدت، أضيف: — تعرف أول ما كلمني أحمد عن موضوعه هو وجيهان الكل كان فاكر إني أخدت الموضوع تحدي وأن غرضي أهزمك زي ما كان بيحصل زمان لما كنا عيال.. هه! مع إن هدفي الأساسي إني أدور على الإنسان؛ إنسان افتكرت إنه ممكن يكون جواك وما كنتش عايزة أخسره.. بس للأسف أنت كنت مُصر على أننا نخسر إحنا الاتنين... هل تستطيع الرأسمالية الطبقية التعايش مع كفاح الاشتراكية ومثاليتها المستحيلة. ماذا عن المحبة والكراهية! الإنتقام والتحدي! الجشع والتضحية! الأنانية والإثار! كلها مسميات متناقضة، ولكن لو اجتمعت ما بين حبيبين! كان القُرب موت لهما وفي البعد تنعدم الحياة. هل سيكون هناك أمل في كسر كل الحواجز وتخطي أشواك الاختلاف للاستماع لنغم القلب والتمتع بنسيم العشق مَن سيطغي مرضه على الآخر! وهل سيتحقق التوافق بين قلبيهما؟! اللذان نبض كلاهما بالحب لأجل الآخر حتى وإن قُدر لهما العيش كأعداء. ! في قُربك موتي دراما إجتماعية رومانسية قصيرة.. أتمنى لكم قراءة ممتعة.