इतिहास : लातूर जिल्ह्यातील गढी व वाडयांचा

भौगोलिक स्थितीच्या अनुषंगानेच ऐतिहासिक घटना घडत असतात. असे म्हणणे वावगे ठरणार नाही. लातूर जिल्ह्याच्या भौगोलिक रचनेमुळेच प्राचीन, मध्ययुगीन व आधुनिक काळात या जिल्ह्याला राजकीय क्षेत्रात विशेष महत्त्व प्राप्त झालेले दिसते. लातूर जिल्ह्यातून मांजरा नदी व तिच्या उपनद्या वाहत असून या नद्यांच्या परिसरातच मानव विकसित झाला. निसर्गाच्या सानिध्यात त्याच्यात जमीनआसमानचे परिवर्तन घडून आले त्याला भौगोलिक स्थितीच जबाबदार आहे असे म्हणता येईल.