साहित्य व समाज यांचा घनिष्ट संबंध आहे. समाजाचे प्रतिबिंब साहित्यात उमटते. समाजात कोणत्याही घडामोडी होवोत त्याचा परिणाम साहित्यावर जरुर होतो. १९६० नंतर शिक्षणाचा प्रसार वेगाने होऊ लागला. ‘जुने जाऊ द्या मरणालागुनी’ या उक्तीप्रमाणे जुनी व्यवस्था मागे सारुन लोकशाही व्यक्तिस्वातंत्र्याचे वारे वाहू लागले. मानवी प्रवृत्ती व विचारात परिवर्तन होऊ लागले. मानवी मनाच्याही कक्षा बदलत असतात.