ክርስትያናዊ ፍልስፍና

ኣልቪን ፕላቲንጋ (ሓደ ካብቶም ብሉጻት ክርስትያን ፍላስፋታት ናይ ዘመና)፡ ፍልስፍና ብቀሊሉ ብጽኑዕ ህየሳዊ ምሕሳብ ምዃኑ ክግለጽ ከም ዝኽእል ይነግር። ፍልስፍና ነዊሕን ብጽኑዕ ብዛዕባ ዓሞቕቲ ጒዳይት ምሕሳብ ከም ዘሳትፍ ዳርጋ ኩላቶም ፍላስፋታት ይሰማምዑ እዮም። ኖርማን ጋይስለር ንፍልስፍና ንሓቂ ምድላይ ከም ዝዀነ ገሊጽዎ ኣሎ። ብልክዕ፡ እዚ ዕላማ ናይ ብጽኑዕ ምሕሳብ እዩ። ሓደ ፍላስፋ፡ ጌጋታት ብምውጋድ፡ ንተወዳደርቲ ዘረባታት ብምምርማር ንሓቂ ብህየሳዊ ምርመራ ብምግባር ዝድህስስ እዩ። ኣብ ፍልስፍና ክንዮ ሓተታን ምርመራ ዝዀነ ዋላ ሓንቲ የልቦን። ሓፈሻዊ ሕግታት ናይ ጽቡቕ ፍልስፍና ኣለዉ፡ ግናኸ ነዞም ሕግታት'ውን ንሓቅነቶም ዝድግፍ ምጒታት ኣለዎም። ብሓጺሩ፡ ፍልስፍና ብጽኑዕ ህየሳዊ ምርመራ ንሓቂ ምድላይ እዩ (ብመብዛሕትኡ እዋን ብረቂቕ)። ፍልስፍና ቓል ብቓል ትርጉሙ “ንጥበብ ምፍቃር” ዝትርጎም እዩ።