Vocabulario de Interlingua: Addenda al IED

Iste labor es un contribution, con annotationes e correctiones, al studio del lexico includite in le Interlingua-English Dictionary, e al cognoscentia del vocabulario de interlingua in general. Illo es dividite in duo partes distincte. Le prime parte, dedicate al studio lexical del prime edition del IED, es subdividite in tres sectiones: (1) Le establimento, con definitiones, de nove entratas cuje terminos es mentionate in le Dictionario ma que manca illac como lemmas; (2) Le completion de circa 300 entratas – entratas original es in gris –con nove significationes e/o connotationes; e (3) Le correction de parve errores typographic e incorrectiones lexical. Le secunde parte consiste de un lista inedite con circa 8.500 terminos usate per Alexander Gode, proveniente de un compassate recerca in circa 3.000 revistas e altere publicationes medical e scientific con le quales Dr. A. Gode collaborava per traducer “summarios” e “synopses” in interlingua, inter 1954 e 1969.