Rreziqet profesionale në sektorin shëndetësor

Sektori shëndetësor përfshin një grup të gjerë aktivitetesh të zhvilluara në spitale dhe në qendrat shëndetësore apo konsultoret ku paraqitet asistenca e pacientëve ambulatorë, si nga personeli mjekësor ashtu edhe personeli tjetër shëndetësor. Sektori i kujdesit shëndetësor është kompleks dhe mbulon një shumëllojshmëri profesionesh dhe vendesh pune, përballet me rreziqe të ndryshme profesionale shëndetësore si dhe me problemet shëndetësore që i shoqërojnë ato. Punonjësit e spitaleve, veçanërisht personeli infermieror janë të ekspozuar ndaj një seri rreziqesh, si: ekspozimi ndaj agjentëve infeksiozë, posturat jo të përshtatshme, ngritja e peshave gjatë manipulimeve me pacientin, spostimet e shumta, ekspozimi ndaj substancave kimike irrituese, alergjike dhe ndaj rrezatimeve jonizuese, të njohur si shkakëtarë të dëmtimeve të shëndetit të punonjësve. Vështirësitë që hasen në lidhje me organizimin e punës dhe kontakti me sëmundjet, vuajtjet dhe vdekjen, gjenerojnë një ngakesë mentale.