RAIS WA TANGANYIKA MWALIMU J. K. NYERERE

Tamthiliya hii ya Rais wa Tanganyika Mwalimu Julius Kambarage Nyerere ni jaribio la kuiandika historia ya nchi ya Tanganyika (Tanzania) kwa njia ya kisanaa. Ni jaribio la kutaka kuongeza mchango wa kazi za kisanaa zinazozungumzia harakati za nchi ya Tanganyika tangu pale mkoloni alipokuwa akiitawala hadi ilipozaliwa upya Disemba 1961. Vilevile, tamthiliya hii inaonesha mchango wa wanaharakati mbalimbali ambao kwa matendo yao waliwezesha leo hii kuwa na taifa huru la Tanzania. Mchango wa watu kama Bibi Titi Mohamed hautajwi katika masomo ya historia ambayo tulijifunza shule ya msingi na sekondari. Mambo haya yanapaswa kurekebishwa ili vizazi vijavyo viijue historia ya nchi yetu kwa ufasaha.