Jamiyatimizda ilm-fan ravnaqi yo‘lida xizmat qilayotgan fidoyi insonlar bisyor. Ularning salohiyati, aqlu zakovati bilan olamshumul natijalarga erishilmoqdaki, bu esa mushkullarimizni oson, uzog‘imizni yaqin qilmoqda, farovon hayotni ta’minlamoqda. “Ilm-fan iftixorlari” biografik to‘plami ham ilm-fan, ta’lim, sog‘liqni saqlash, san’at, sport va yana boshqa turli sohalarda faoliyat yuritayotgan, yurtimiz ravnaqi va taraqqiyoti uchun o‘z hissasini qo‘shib kelayotgan yurtdoshlarimiz haqida. Har bir davrning o‘z qahramonlari bor. Xalqimiz, ayniqsa, ilm ahlini tanishi, ular bilan faxrlanishi va ibrat olishi muhimdir. Umid qilamizki, aynan ushbu biografik to‘plam kelajak avlodlar uchun yaxshi qo‘llanma bo‘lib qoladi.Keng kitobxonlar o‘qishiga mo‘ljallangan ushbu mo‘jazgina to‘plam juz’iy kamchiliklardan holi emas. Dastlabki qadamlarimizning xayrli bo‘lishini Allohdan so‘rab qolamiz. Janobiddin Fazliddinov