LAHUTARI SHQIPTAR - POEZI

Lek Pervizi na paraqet librin « Lahutari Shqiptar », ku janë përmbledhë shumë kangë popullore që u krijuen nga poetët anonimë popullorë, gjatë kohës së diktaturës. Një libër që shquhet për vlerën e padiskutueshme dokumentare e historike të tij. Libri shquhet për paraqitjen e kangëve të krijueme gojarisht nga populli ynë për të regjistrue dhe ruejt historinë e dhimbshme që përjetoi vetë, duke ditun se shkrimet në ato kushte të terrorit të rrezikonin jetën ose të siguronin burgun e internimin e përjetshëm. Dëshmia asht me vlerë të pallogarithsme për historinë tonë kombëtare té gjysmës së dytë të shekullit XX. Pa pasqyrue e vleresue objektivisht rrjedhojat e luftës së ashpër klasore, vuetjet, terrorin dhe genocidin që u ushtruar ndaj një pjese shumë të madhe të popullsisë shqiptare nuk mund të shk.ruhet historia e vërtetë e Shqipnisë.