KWENTULA NI BEBANG

Sa wakas, matapos ang ilang taon ay nailimbag din ang pinakaaabangang koleksyon ng mga KWENTULA NI BEBANG. Ang kakaiba at natatanging aklat na ito ng Filipinang Makata na si Ginang LUDIVINA CRUZ TAGAZA ay puno ng mga nakaaaliw na mga kwentong halaw sa tunay na mga pangyayari at mga karanasan niya sa buhay. Ito ay malugod at buong-puso niyang ibinahagi sa atin sa pamamagitan ng kanyang sariling istilo ng pagtula. Tunay ngang nakakaantig ng damdamin, na sa kabila ng ating modernong panahon, ay may iilan pa pala tayong mga kababayan na patuloy na nagmamahal sa Panitikang Filipino. Ang mga katulad nila ang nagsisilbing mga tanglaw na siyang tumutulong upang mapanatili ang alab ng pagmamahal natin sa ating sariling wika, sining at kultura. Halina't tunghayan ang bawat KWENTULA NI BEBANG na siguradong magdudulot ng galak sa puso, ngiti sa mga labi at ginintuang mga aral na maipamamana natin hanggang sa mga susunod na henerasyon.