Plan de apoio para alumnado con necesidades específicas de apoio educativo.

A atención á diversidade é un principio fundamental do actual modelo educativo de escola tolerante e inclusiva que recoñece a heteroxeneidade como algo positivo e enriquecedor no marco da calidade total. E posto que a realidade educativa é complexa e acolle a un alumnado diverso, o reto consiste en ofrecerlle unha resposta diferenciada e axustada ás súas características individuais dende unha oferta curricular común, mediante un conxunto de intervencións enmarcadas na lexislación vixente. Por isto, plantéxase a necesidade de elaborar este Plan de Apoio, coa finalidade de descubrir a quen debemos dirixirnos no proceso de atención á diversidade, como, cando, onde e con qué medios debemos levalo a cabo.