Mačči d aqeṣṣer

"Mačči d aqeṣṣer" d ammud n isefra ideg Massi, s iḥulfan, yettani tiktiwin n wakud-is. Mačči d aqeṣṣer! Yessurar tilelli d tayri deg yiwen n wannar. Annar-a, tikwal yeǧǧuǧeg, tiyaḍ yerwi, icubbel. Gten leḥbus, gten iṣuḍaf, mačči d aqeṣṣer!   Massi, s yimru, s tẓuṛi, yugi isekraf ad medlen ɣef tidmi-s d tektiwin-is imi anaẓuṛ d ilelli di tayri, di teɣri, di tẓuri, ur yettaggad iduba, ama win n tmetti,  asertan neɣ  aserdasan. Ur as-zmiren, ur zmiren i usugen-ines. Ih, mačči d aqeṣṣer! Ur itettu umedyaz tadyant n tmurt-is, ur itettu atmaten-is n umennuɣ i Teqbaylit, wid iwumi rran lqid. Ur yettu umedyaz tayemmat yettrun, tinna akken ur nessusem. Mačči d aqeṣṣer! Seg tayri d leḥnana ɣer usuɣu n umeḥbus, seg udrar yerɣan ɣer temdinin n tirga d tẓuri.