Jahon sog`liqni saqlash tashkiloti va IDF Diabetes Atlasning statistik ma`lumotlariga ko`ra «hozirgi kunda qandli diabet (QD) kasalligi bilan 463 millionga yaqin bemor ro`yxatdan o`tkazilgan va 2045 yilga borib 628,6 million inson ushbu kasallikdan aziyat chekishi taxmin qilinmoqda». Qandli diabet bilan og`rigan bemorlarning taxminan 30-40 foizida oyoqdagi patologik o`zgarishlar bilan bog`liq muammolar mavjud va ularning 20-25 foizida oyoqlarda yiringlinekrotik jarayonlar rivojlanadi. Qandli diabet bilan og`rigan bemorlarda o`tkaziladigan oyoqlarning yuqori amputatsiyalari barcha kelib chiqishi shikastlanishga bog`liq bo`lmagan amputatsiyalarning 45-70 foizini tashkil qiladi. Bunda tashrixdan keyingi o`lim ko`rsatkichi 20% dan 50% gachani, takroriy amputatsiyalar chastotasi esa 50% ni tashkil etadi. Yuqorida ta`kidlanganlarga asoslanib, oyoqlarning diabetik gangrenasi (ODG) bo`lgan bemorlarda davolashtashxisot taktikasini tanlash, xirurgik aralashuv bosqichlari va asoratlarni oldini olish muammolari ham ilmiy, ham amaliy nuqtai nazardan o`ta dolzarbdir.