Insoniyat azaldan o‘z maqsadlariga erishish uchun harakat qiladi. Har bir insonning hayoti yo‘lida o‘ziga xos orzular, intilishlar va yuksak maqsadlar bor. Bu maqsadlar bizni rivojlantiradi, o‘zimizni tanib olishimizga, qadrimizni anglashimizga yordam beradi. Ammo bu yo‘lda ko‘p marta sinov va muammolarga duch kelamiz. Aynan mana shu sinovlardan o‘tish uchun qat’iyat, bilim va donolik talab qilinadi. Qo‘lingizdagi ushbu kitob – “Maqsad manzili” – nafaqat maqsad sari yo‘lni aniqlash, balki ushbu yo‘lda duch keladigan qiyinchiliklarni yengib o‘tish uchun zarur bo‘lgan qo‘llanma vazifasini o‘taydi. Unda muvaffaqiyat sari intilishning nazariy asoslari bilan birga, real hayotiy tajribalar va foydali maslahatlar ham o‘rin olgan. Bu kitob o‘quvchilarni maqsad qo‘yish, reja tuzish, harakat qilish va o‘zining cheksiz imkoniyatlarini kashf etishga undaydi. Hayotda biror narsa erishish uchun faqatgina orzu qilish yetarli emas, balki amaliy qadamlar qo‘yish ham zarur. Kitobni o‘qir ekaningiz, undagi har bir fikrni o‘zingizning hayotiy yo‘lingiz bilan bog‘lashga harakat qiling. Chunki har bir insonning o‘z manzili, o‘z yo‘li bor. Ushbu kitob sizning manzilingizni topishingiz va uni bosib o‘tishingizda yordamchi bo‘ladi, degan umiddamiz.