Le anno - 12 menses in photos e parolas

Le natura face le 12 menses del anno multo differente. Cata mense ha un charme typic. Iste libro seque le cambios durante un anno – in photos e parolas. Lege le parolas que presenta le mense con observationes personal e factos, reguarda le multe belle photos, e gaude de vider, como le anno cambia mense post mense. "Le anno - 12 menses in photos e parolas" es parte del serie "Facile a leger in interlingua", un serie de publicationes pro illes qui ama interlingua ma desira apprender plus in un maniera interessante e amusante. Facile a leger in interlingua se basa sur le 2.500 parolas in “Interlingua – dictionario basic” per Thomas Breinstrup e Italo Notarstefano (Union Mundial pro Interlingua, 2011,ISBN 978-2-36607-000-2). Omne parolas que non es in le dictionario es explicate in interlingua in le fin del libro.