Limbörgs Alfabèt Kleurbook

Dit kleurbook gief kinder ‘n plezerege en effectief meneer veur Limbörgs vocabulair te liere. ‘t Book heet good-oetgezeukde wäörd en teikeninge veur bekans eder lètter vaan ‘t alfabèt plus versjèllende Limbörgse lèttercombinaties. Veur eder lètter of combinatie devaan gief ‘t teikeninge vaan veurwerpe, blomme, biester, en ander zakes mèt droonder de Limbörgse sjriefwijs vaan de wäörd. Woe meugelek koume de teikeninge euverein mèt bestaonde Limbörgse zakes en veur dees veurwerpe weure dèks de benaominge oet versjèllende deile vaan Limbörg biejein gezat. Zoe kinne kinder neet allein hun vocabulair speulentere en kleurentere oetbreie, meh ouch hunne kinnes vaan de sjriefwijs vaan dees wäörd vergroete.