Discussiones de interlingua

Un collection de 18 expositiones super le base e le essentia de interlingua, scribite per un del formulatores principal de interlingua, dr. Alexander Gode (1906-1970), e publicate in le magazin “Novas de Interlingua” e diverse revistas. Alexander Gode esseva le ultime director de recercas del “International Auxiliary Language Association” que preparava interlingua, le redactor del “Interlingua-English Dictionary” in 1951 e un communicator phenomenal. In iste serie de articulos fascinante, facilemente legibile e capturante in lor visiones, ille documenta le processo per le qual interlingua esseva definite, su relation al latino classic e medieval e al vocabulario scientific international e explica “le anima de interlingua” e su considerationes personal del developpamento e futuro de interlingua. Karel Wilgenhof (1917-2009) ha addite un introduction e notas super subjectos, institutiones e personas interlinguistic. (ISBN 978-2-36607-049-1)