Pinocchio

Le conto super le parve pupa de ligno es un del contos le plus cognoscite, gratias anque a Walt Disney e su film animate ab 1940. “Le aventuras de Pinocchio” es considerate como le obra de maestro de Carlo Collodi (1826-1890). Publicate le prime vice in 1880 illo fascina anque hodie le lectores, pois que illo non era scribite solmente pro infantes, ma pro cata uno qui non ha perdite le sentimento poetic, pro totes qui memora ancora le gaudio de lor juventute.