Kwakuyana na ukaboni wa kufumira mu Baibulo, Chiuta wakukhozga banthu bake kwizira Mazgu ghake agho Mzimu Mtuba wali kughathutira agho ndi Baibulo, Mazgu gha Chiuta. Wali yose uyo Chiuta wali kumuchemera ku utebeti wakwenera kudumura kujipereka pa kumanya ivyo Mazgu ghakuyowoya, malayizgo ghake, na kusambizga unenesko wake. Nga ndi mtebeti wa Fumu, bakwenera kulimbikira chomene kukora na kukugaba Mazgu gha Chiuta mwa unenesko, mwakuti babe bakuzomerezgeka na Chiuta mukutebetera kwawo (2 Tim. 2.15). Muchisambizo ichi, tikulongosora kukhumbikwa kwa kutanthaura Mazgu gha Chiuta na ivyo vikukhumbikwa pa kuchita mlimo uwu. Tisambirenge na kusanda vyose vibiri, utebeti wa banthu na utebeti wa Mzimu Mtuba pakulemba Baibulo, na kupereka nthowa yiweme na yakwenelera pa kutanthaura Baibulo iyo yili kupangika na ulato wakumovwirani pa kubazga na kusanda Baibulo mwachanduro. Ulato ngwakuti muvwirike pakumanya kuyaniska charu icho Baibulo likalembekeramo na charu chasono. Mwakusazgirapo, tikupereka ungweru pa kuzirwa kwa nthowa izo Baibulo lili kulembekera na katanthauliro kake, na kufufuza nthowa zinandi izo nkhwantha za Mazgu gha Chiuta zili kubikako na vyombo ivyo zili kulemba mwakuti timanye kuzitebeteska mwakuti tisange chanduro mukubazga kwithu mwakuti tisange ching’anamuro kufumira mumazgu gha Chiuta.