Bu kitob — Zulfiya hayoti va ijodiga bo‘lgan qalbimdagi ehtirom va ichki minnatdorlik ifodasidir. Zulfiya she’riyati menga so‘zning shifo berish qudratini, sabr va matonatning asl ma’nosini anglatdi. Ushbu sahifalarda men shoira ruhidan olgan ilhomimni va o‘z ijodiy kechinmalarimni jamladim. Men tibbiyot talabasi sifatida ilm va ijodni bir yo‘lda olib boraman: ilm orqali tanani, ijod orqali esa qalbni anglashga intilaman. Avval chop etilgan “Zulfiya izidan: she’riyat va shifo”, “The Biography of Zulfiya”, “Ijod nafasi” kitoblarim singari, ushbu asar ham Zulfiya ruhi bilan boshlangan ijodiy yo‘limning mantiqiy davomidir. “Zulfiyaxonimga” — ustozga bitilgan samimiy e’tirof va qalbdan chiqqan so‘zlar majmuasidir.