wanI' motlh

ghuQHom, Holmaj Dun je DatIvchugh, chaq DuvuQ paqHomvam 'IHqu'! ngajbej «Hayqu'» ghuQHom 'ach wa'maH Soch 'InDoghDaq DI'ruj Hoch DellaH qonwI' po'. DI'ruj ru' 'oH nIpon ghuQHom Seghvam noy qolqoS'e'. pIj motlhwI' qel «Hayqu'» ghuQHom qonwI'pu'. nIpon HatlhDaq lengDI' baSo Doch nap, Doch motlh je rIch. qatlh? bIHDaq qaStaH boqHarmey 'e' tlhojmo' ghuQHom qonwI' po', ramlaw'bogh Dochmeyvetlh paQ. meqvammo' pongDaj Hev paqvam ngajqu': «wanI' motlh». nuq bop? wanI' motlh neH bop. wanI' SIQbogh nuv motlh bop. motlh, qar'a'? paqvamDaq ghuQHom veyHom qonta'bogh, mIllogh 'ey DIjta'bogh je much DeSDu' pagh puqloD. vaj yIqIm. yIyev. qaStaHvIS poH ngaj neH, Qu'meylIj law' tIbuSHa'. rut ngarlaH motlhwI'.