lurraldeetan

Zirkuitulaburra sarean konexio okerra ematen denean suertatzen da. Okerra, sareko funtzionamendu leunaren aldetik antzematen bada; ikerketaren kasuan, jakintza nagusien ikuspuntutik. Zirkuitulaburrak ematen duen kalanbrearekin, elkartu gaien artean ez da gurutzaketa leunik suertatzen. Kalanbrea metafora baliagarria bihurtzen baita irakurketa kritikoaren lekunea betetzeko. Baliagarria, normalean batak bestearekin ukitzen ez duten kableak uztartzerakoan (gure kasuan: Paulo saindu erroma-hiritar unibertsal zalearen 'Galatiak' Domingo (de) Ag(u)irre herri-apaiz euskaradun partikularraren 'Garoa' edota 'Kresala' liburuekin zirkuitulaburtuz; edo marxismo klasikoa askapen mugimenduaren zenbait emaitzekin, Lauaxeta Miguel Hernández-ekin, piratak guardia zibilekin, Hondarrabia eta Irungo 'Alardeak' Stanley Kubrick-en 'Full Metal Jacket' filmearekin, Talibanak Oteizarekin…) kalanbre horiek sortzen dituzten emaitza berriekin, ohiz eratu izan diren somaketa intelektualak zorroztasunez astintzeko bidea irekitzen baita.