Show Bookstore Categories

Terminologia basic multilingue de linguistica: interlingua, anglese, germano, francese e portugese

ByCarlos Soreto

Usually printed in 3 - 5 business days
Le complexitate del terminologia linguistic usate per le expertos in cata un del principal linguas de cultura europee es multiplicate per un enorme factor de difficultate quando, per exemplo, un francese lege textos in anglese, germano o espaniol, e/o un studiante german consulta manuales in italiano, russo o portugese. Peculiaritates inherente al structura de cata un del linguas e ancora le pluralitate de terminos existente pro definir le mesme concepto, create pro definir los, associate con le effortio de normalisation terminologic a plure approches theoric, concurre pro un tal complexitate. Usque ora le 'Multilingual Lexicon of Linguistics and Philology', publicate per Rose Nash in 1968, le 'Diccionario de términos filológicos' per Fernando Lázaro Carreter (3tie ed. corrigite, 1971) e le 'Linguistisches Wörterbuch' (Theodor Lewandowski, 1973, con recente correctiones in le version in linea) esseva le utensiles multilingue disponibile (le duo ultime con definitiones) al studiantes e expertos in linguistica. In ille tempore istos esseva le 'vademecum' de omnes qui habeva a studiar obras o textos technic in linguas estranier e voleva penetrar se del arcanos terminologic de iste disciplina. Totevia, le evolution del conceptos linguistic e del terminologia mesme rendeva le obras supracitate - ben que ancora utile - antiquate pro illes qui ha necessitate de responsas rapide e de un vocabulario actualisate. Le publication de iste breve terminologia visa a contribuer pro plenar le grande lacuna que es le manco de un obra multilingue moderne in le campo del linguistica, con le addition del terminos portugese a illos del tres principal scholas del studios linguistic actual. In iste labor es ancora includite un tabula con le nomines de 169 linguas in interlingua, anglese e francese, con lor codices ISO, e un bibliographia (vd. p. 137) con le principal obras de referentia consultate pro su elaboration.

Details

Publication Date
Aug 23, 2020
Language
Interlingua
ISBN
9781716858291
Category
Education & Language
Copyright
All Rights Reserved - Standard Copyright License
Contributors
By (author): Carlos Soreto

Specifications

Pages
144
Binding
Perfect Bound
Interior Color
Black & White
Dimensions
Crown Quarto (7.44 x 9.68 in / 189 x 246 mm)

Ratings & Reviews