Love at First Fight

Masugid na manliligaw ni Valerie ang kababatang si Greg. Sa lahat ng mahahalagang okasyon sa buhay ng dalaga’y si Greg ang lalaking laging nakaagapay sa kanya. Kung kaya’t ang akala ng lahat ay matagal ng may namumuong relasyon sa pagitan ni Valerie at Greg. At iyon ang gustong matiyak ng dalaga… kung pag-ibig nga talaga ang nararamdaman niya para sa binata o pagmamahal ng isang kapatid lamang. Sa unang pagkakataon ay nagbakasyon mag-isa si Valerie at sumama sa tour. Dahil sa isang disgrasya ay nakilala niya si Israel. Agad na humanga ang dalaga sa kakisigan ng lalaki at ibinigay ang kanyang sarili sa sandaling panahon ng pagkakakilala nila. Tutugunin pa ba niya ang pag-ibig ng kababatang si Greg kung naibigay na niya ang sarili sa lalaking nagpatibok ng kanyang puso? Paano niya ipaglalaban ang pag-ibig niya kay Israel kung ang lalaki naman ay walang pagmamahal sa kanya?