Adminishkrim dhe Këndim

Një rrëfim përsa i përket gjenealogjisë së leximit, librit dhe shkrim-këndimit në përgjithësi prej lashtësisë deri në ditët e sotme. Përshkrimet dhe referencat që janë përzgjedhur rrekin të analizojnë marrëdhëniet dhe debatet e larmishme midis praktikave të leximit dhe të shkrimit në letërsi dhe shkencë, dhe ndërlidhjet, pikëtakimet dhe rrjetëzimet e tyre të shumishta si drejpërdrejtë ashtu dhe tërthorazi me njëra-tjetrën, si dhe me kulturën dhe ekonominë. Në këtë tregimtari qëmtuese konteksti shqiptar me përsiatjet filozofike dhe filologjike, që gjuha shqipe vetvetiu mbart është ndërthurur me disktutimet e ngjashme, përsa i përket këtyre përsiatjeve në shoqëritë bashkëkohore evropiane dhe më gjerë. Gjithashtu një pjesë e rëndësishme i kushtohet rastit studimor të leximit në Shqipëri (qytetin e Tiranës kresisht, por dhe në qytete të tjera), për të njerr në pah prirje dhe vlera, si dhe shtrëngesat që tregu i librit dhe praktikat e leximit dhe të shkrimit hasin dita ditës në vendin tonë.