Quilhats

Premier, un decòr grandiós, aqueu de Marselha. Lo Pòrt Vièlh, la rada, leis isclas. Segur l’a una istòria, aquela qu’arriba a Lisa après la messa de Pascas. Lisa, une musicairitz, una femna qu’ama leis òmes e leis arramba librament. Mai aquela vida desliura que mena, serà desaigada pèr dos rescòntres singulars. Una briga de mistèri, tanben, de cauvas pas fòrça catolicas que si passan dins lei dessús d’una glèisa. E una nuech dins l’archipèla dau Frieu, que tot s’i nosa e s’i desnosa. Lei luecs : lo pòrt de Marselha, leis isclas, una glèisa ambé son orguena, l’apartament de Lisa, lo restaurant, lei cafès, lei carrieras de la vila, lo jorn, la nuech e lo matin. Lei personatgis principaus : Lisa, Oscar, Pèire, Nicòla, Francés, lo paire Stolz, d’ancians militants esquerristas, una faussa trèva. L’epòca : bensai la debuta deis annadas dos mila.