Bismillahir rohmanir rohiym. O`zini madh etish uchun ilohiy ilhom va kuchli qalam berib qo`ygan Zotga hamdlar bo`lsin. "Quyoshli qalb" she`rlar to`plami muallifning 2 yillik mehnati samarasi o`laroq kitobxonlarga taqdim etildi. Bu to`plamda falsafiy, axloqiy, yumoristik va bag`ishlov xarakterli she`rlar jam qilindi. Qalamga olingan mavzularning barchasi dolzarbligi jihatidan alohida o`rin egallaydi. Unda kiritilgan she`rlar yetib borgan dillarga yorug`lik olib kirishi niyat qilindi In shaa Alloh. Agar misralardagi nolalar sizning qalbingizga yetib borsa va insoniy hislaringizni jumbushga keltirsa, bag`oyatda shodmiz.